XIX. Notitia abbatiae S. Michaëlis de Monmagastre.

XIX. 

Notitia abbatiae S. Michaëlis de Monmagastre. (V. pág. 119.) 

Ex arch. eccl. Ageren. núm. 394. 

Convenientia, quae fecit domnus Fruga abba, et canonicis Sancti Michaelis, quae fecerunt cum Guilelmus Bonefilius, et uxori eius Sadonia, quando dederunt eis ipsum alodium, quod habet Sanctus Michaele ad Sanctum Saturninum datur primum per laborationem. Convenit iam dictus Guilelmus et uxori sua, que laborent ipsum alodium iam dictum, sicut debet laborare bonum laboratorem, et faciat rasas, et parietes ubi opus sit, et getet in ipsum alodium de ipsum femis, qui factum fuerit ipsas mansiones Sancti Michaelis, ipsa medietate de anno in anno, et quooperiat ipsas mansiones bene ubi deest, et laboret ipsos olivarios, qui sunt in ipso orto, et faciat bassam, et de ipso fructo, qui fuerit de ipsa oliveta, habeat Sanctum Michaelem ipsas duabus partibus, et Guilelmus terciam partem, et guardet bene ipsos arboribus Sancti Michaelis; et de ipsum alodium praedictum donet Guilelmus iam dictus de ipsum expletum, qui inde exierit ipsa medietate ad Sancti Michaelis, quando miserit ipsa medietate de ipsa femis; et quando non miserit, ipsam quartam partem, et Guilelmus iam dictus, et uxori sua Sedonia donent ad Sancti Michaelis ad ipsa canonica unam pernam obtimam de porcum, cum sex fogazas, et sextarium unum de vinum de anno in anno. Et domnus Fruga abba iam dictus cum canonicis Sancti Michaelis dederunt ipsum alodium iam dictum ad Guilelmus super scriptus, et ad sua mulier Sedonia per laboracionem omnibus diebus vitae illorum, in tale conventu, sicut superius est scriptum; et dederunt ad illos per casalatum ipsum alodium, qui est ad caput Sanctum Saturninum, de ipsa via ad amonte usque ad aliam viam superiorem, et ipsam vineam de Argemir, in tale conventum, que laboret eam bene, et habeat Guilelmus ipsas tres partes, et Sancti Michaelis ipsam quartam partem, et faciat fidelitatem Guilelmus ad abbas Sancti Michaelis et suis canonicis, et succesores illorum. Acta est convenientia... Martii anno XXVI. regnante Philipo rege. = Fruye capellanus SS. = Guilelmus SS. = Bernardus sacer SS. = Sig+num Guilelmi. = Sig+num Sedonia, qui anc convenientia fecimus scribere, et a testes firmare fecimus, et cum nostras manus firmavimus. = Sig+num Adalberti Ricolfi. = Sig+num Mironis... = Petrus Bernardus scolastico. = Baronus sacerdos, qui anc convenienciam rogatus scripsit, et + die, et anno quod supra.

Tomo 6, apéndice 28. Acta consecrationis ecclesiae S. Michaëlis in castro Rocheta, 1043

XXVIII. 

Acta consecrationis ecclesiae S. Michaëlis in castro Rocheta, anno MXLIII (1043).
(V. pág. 186.) Ex autogr. in arch. eccl. cathedr. Vicensis. n. 255. 

Notum sit omnibus hominibus praesentibus atque futuris, quod ego Alemannus invitavi domnum Olibamum pontificem sanctae sedis Ausonensis ad dedicandam ecclesiam Sancti Michaelis fundatam in diocesi Sancti Petri supra nominatae sedis, in alodio meo Castro Rocheta; ad quam veniens praedictus pontifex sub invocatione nominis Christi eam consecravit, et praetiosa ibi sanctorum pignora recondidit. Ut autem ipsa ecclesia supra dicta in diocesi praefatae sedis fundata esse sciretur, interpellante supra scripto pontífice Oliva, ego praedictus Alemannus concessi atque constitui, ut omnibus annis per unamquamque synodum una libra cerae ad sedem Sancti Petri pro censo iam dictae ecclesiae Sancti Michaelis deferatur, et persolvatur, et praefatae ecclesiae presbyter ibi in omnibus synodis presentetur. Facta dedicatio, concessio, atque constitutio anno Incarnationis domini millessimo XL°III.°, XI. Kalendas Mai, anno XII. regni regis Henrici. = Alamanno, qui han (hanc) constitutionem feci, et firmavi, et testes firmare rogavi. = Sig+num Adrover. = Sig+num Sunier Arnalli. = Sig+num Ebrinus. = Sig+num M. …. = Salomon monachus, qui hanc cartulam constitutionis scripsi sub die et anno quo supra +.