APÉNDICE DE DOCUMENTOS.
I.
Consecratio ecclesiae Sanctae Mariae de Terracia, an. MCXII. (1112) (Vid. pág. 18)
Ex arch. priorat. S. Petri de Terrac.
Anno Incarnationis Dominicae millessimo centesimo XII. era M.C. quinquagessima, IIII. nonas januarii communi utilitati providentes venerabilis Raymundus Dei nutu Barchinonensium Episcopus, et canonicorum sibi comissorum conventus inferius annotatus, necnon et aliorum clericorum quamplurimus occursus cum ingenti etiam plebium multitudine et militum nobilium ibidem advenientium non minimus accessus convenerunt ad consecrationem domus Dei in honore eiusdem Genitricis Dei Mariae in comitatu Barchinonensi in termino Terraciae, juxta ecclesiam parrochialem S. Petri in loco eodem, ubi antiquitus Egarensis Sedes erat constructa. Die siquidem consecrationis confirmaverunt praedictae ecclesiae quidquid possessionum habebat vel habere debebat ubique, decimas videlicet, et terras et vineas et domos cum arboribus. Constituerunt quoque ut praedicta ecclesia cimitterium undique XXX passuum ecclesiasticorum haberet, et quidquid eodem spatio contineretur, sub defensione ecclesiastica posuerunt, atque temerarie inde aliquid auferentem vel invadentem ut reum sacrilegii omnino condempnaverunt, donec canonice satisfaceret. Ut autem eadem ecclesia plena libertate gauderet, constituerunt ut salva justitia et dignitate majoris ecclesiae, libere quae sui juris sunt vel erunt possideret; et ut nulla ecclesiastica saecularisve persona eam suis rebus expoliare vel invadere praesumat sub anathematis vinculo proibuerunt, cunctisque ei justa servantibus et benefacientibus remissionem peccatorum per Dei gratiam promisserunt. Sunt autem reconditae in praelibato altare venerandae reliquiae beatissimorum Martyrum Caesaraugustanorum et Sanctorum Martyrum Severi, Juliani, atque Valentini. Eodem die dederunt Guillermus Guadaldi et frater eius Berengarius praefatae ecclesiae olivarias II. (quas) habebant in Olmels (Olmells) in manso, qui est ante domum Bernardi Belsomi, in ipso Valedel. Quod est actum die et anno praefixo. = Sig+num Reymundus Barchinonensis Episcopus. = Sig+num Petri diachoni Sacristini. = Sig+num Rageriy levitae. = Sig+num Berengarii sacerdotis. = Sig+num Petri subdiachoni. = Sig+num Berengarii levitae. = Sig+num Petrus sacerdos. = Sig+num Berengarii levitae et Capitis scolae. = Johannes presbyter. = Bernardus levita +. = Sig+num Reymundi monachi. = … Subdiaconus qui nuncupant Arnallus Arnaldus qui hoc scripsit die et anno quo supra.
