IX. Pro pluvia continuum divinum officium. 1329

IX.

Pro pluvia continuum divinum officium (Vid. pág. 69.)

Ex. Act. capitular. eccl. Gerund.

Die veneris secunda aprilis 1329 fuit comissum quatuor personis de Capitulo, videlicet Dominis Episcopo, Archidiacono, Albert Palet Marset, et Mi. Lobet que post prandium una cum dictis dominis Episcopo et Archidiacono et nonnullis singularum ecclesiarum et monasteriorum civitatis vocandis per dominum Episcopum in domo dicti Archidiaconi conveniant et ibi tractent de modo dicendi divinum officium continuum et aliis devotionibus pro pluvia. Eodem die post prandium fuimus omnes praedicti in domo Archidiaconi maioris ubi jam erant R. Dominus Episcopus et ipse Archidiaconus et venerunt singulae personae singularum ecclesiarum et monasteriorum civitatis vocatae per dictum dominum Episcopum qui illis innotuit devotionem civitatis et Capituli, et post diversos tractatus fuit deliberatum in hunc modum. Quod deinde donec aliud fuerit deliberatum continue et sine intermissione nocte dieque legatur Psalterium in una ecclesiarum civitatis juxta distributionem horarum infra scribendam. Qualibet enim ecclesia teneat ordinem suum incipiendo qualibet die ubi die praecedenti finem fecerat, et finiendo qualibet vice dicat versiculum Rigans montes de superioribus suis etc., et inde orationem Deus in quo vivimus, movemur et sumus etc. Nec sint clerici nimium anxiosi finiendi lectionem statim post tactum horarum sibi prefixam sed saltem per medium quartum horae sustineant legendo ut alia ecclesia succedens in lectione verisimiliter assit in lectione, cum melius sit quod duae ecclesiae concurrant in lectione quam si tempus esset vacuum a lectione. Intellecto quod quando officium divinum Matutinarum, Missae, Vesperorum aut aliarum horarum canonicarum celebratur, cesset penitus alia lectio in eadem ecclesia. Ordo est iste qui sequitur:

Ecclesia Cathedralis orabit seu leget ab hora quinta de mane exclusive usque ad horam tertiam post meridiem inclusive.

Et Psalterio finito reiteretur totiens quotiens.

Ecclesia Sancti Foelicis ab hora tertia exclusive post meridiem usque ad sextam inclusive.

Ecclesia Sancti Petri Gallicantus ad hora sexta exclusive post meridiem usque ad octavam inclusive.

Ecclesia de Carmelo ab octava hora exclusive post meridiem usque ad decimam inclusive.

Ecclesia Sancti Francisci ab hora decima exclusive post meridiem usque ad XII. mediae noctis inclusive.

Ecclesia de Mercede ab hora XII mediae noctis exclusive usque ab (ad) horam secundam post mediam noctem inclusive.

Ecclesia Sancti Martini de Costa ab hora secunda exclusive post mediam noctem usque ad tertiam horam inclusive post mediam noctem.
Ecclesia Sancti Dominici ab hora tertia post mediam noctem exclusive usque ad horam quintam inclusive.

X - dos peregrinos a Santiago de Compostela 

XI. De translatione corporis B. Eudaldi M.

XI. 

De translatione corporis B. Eudaldi M. (V. pág. 60.) 

Ex breviar. Rivipollensi sec. XIV. 

Anno igitur nongentessimo septuagessimo octavo (978), quo pro redemptione generis humani ex Mariae Virginis utero processit Deus et homo. Erat quidam abbas nomine Guidisclus Rivipollensis coenobii in honore Dei Genitricis ac perpetuae virginis consecrati, qui gregis sibi comissi curam regulariter ac strenue gerens. 

Lectio II. Inter coetera bonorum operum studia, quosdam ex suis direxit in Gallias, ad asportanda, si forte reperirentur, Sanctorum pignora, per quae inter mundialis vitae discrimina provenirent sibi desiderata subsidia.

Lectio III. Iunctus est autem eis quidam profuga, regionis, ad quam ire disponebant, indigena. Qui simulata fide praedicto abbati sepius suggerebat secum suos mittere, cuius ducatu atque praesidio possint votis eius animi respondere. Sed ipsius falsitatis in brevi patuere molimina. 

Lectio IIII. Transmissâ etenim Pirenea iugâ, post innumera pene devia, sibique poenitus incognita, iam inter spem metumque positos, dimisit in quadam silva, et ut erat profuga fugiit, et postea non comparuit. Illi vero se delusos comperientes, regredi ad propria parant.

Lectio V. Divino autem nutu devenerunt in quadam villa termis habundantissima, fluminibus, et pontibus ad adeundum pene imparatissima, et perpetuis trabibus simul et viarum anfractibus undique circumsepta, et ab incolis actenus Aquis vocitata. (Aguas, Aigües)

Lectio VI. Qui benignissime illos excipiunt, eaque nocte, quae praecedebat festivitatem omnium Sanctorum, secum manere compellunt, rogantes ut in praedicta sollempnitate missas celebrarent, et divinum officium ibi peragerent, et eis praedictae incolae necessarium apparatum libenter subministrarent. 

Lectio VII. Siquidem duo ex praedictis legatis erant ecclesiastici ordinis viri satis ad hoc peragendum idonei. Quorum votis annuunt, et celebrem cum illis ducentes diem, rogata pro posse perficiunt. 

Lectio VIIII. Nocte vero sequenti omnes incolas ipsius loci alto sopore depressos aspiciunt. Tunc quod in recessibus altae mentis absconderant, iam secum revolvunt, si forte divinae pietati eorum praecibus annuere libeat, ut aliquod ex sanctorum corporibus secum asportari concedat.