Tomo 3, apéndice 11, carta, Sancho, arzobispo de Toledo, obispo de Segorbe Pedro Garcés

XI. 

Carta de D. Sancho, arzobispo electo de Toledo, al obispo de Segorbe D. Fr. Pedro Garcés, sobre ciertas quejas que contra él tenía el cabildo de su Iglesia (V. pág. 56) (a: Copia del original que existe en el archivo de la catedral de Segorbe.). 

Venerabili in Christo patri, et amico charissimo P. Dei gratia segobricen. episcopo, Sanctius divina Providentia toletan. sedis electus, Hispaniarum primas, et domini regis cancellarius, salutem et sinceram in Domino karitatem. Quaerelas decani et thesaurarii, et Joannis de Orihuela, et Egidii Roderici canonicorum segorbicen. recepimus, in quibus intelleximus, quod decanum et thesaurarium, et Joannem de Orihuela privastis quibusdam portionibus praestimonialibus, quas sibi praedecessores vestri, et vos gratuito contulerunt: et in pace ipsi diutinè possederunt, et hujus privationis causam procurator vester in nostram praesentiam allegavit, videlicet, paupertatem ecclesiarum, in quibus non possunt vivere servitores. Nos vero aequitate pensatam, et antiquitate consideratam eorumdem, quam in servitio ecclesiae expenderunt, volumus et mandamus quod dictis decano et thesaurario, et Joanni portiones suas restituatis: nec eosdem super hiis ulterius molestetis: et Egidium Roderici cum decano et thesaurario ad vestram gratiam admitatis: indecens enim, et inhonestum decernimus, quod majora vestrae ecclesiae membra incurrant vestram iracundiam, et offensam; ne inter praelatum, et subditos, et inter dominum, et vasallos, et inter caput et membra dissensionis materia amplietur. Molestationes vero quas eis noviter infertis, quas est indecens enarrare, videlicet quod cives non eant ad ecclesiam cathedralem pro benedictionibus recipiendis, et pro sepulturis ibidem eligendis, quod est manifeste contra jus, revocantes, volumus, et mandamus, quod in istis et in aliis molestationibus noviter adinuentis, vestrum molestare capitulum desistatis, non enim est addenda afflictis afflictio, cum satis sint suam continuam paupertate. Et licet procurator vester multa proposuerit, et allegaverit contra appellationes, quas ipsi interposuerunt; tamen eas legitimas reputantes de consilio peritorum, volumus quod inter vos, et ipsos pax et caritativa concordia reformetur. Praeterea noveritis quod quodam compromissum ostenderunt nobis, in quo vos et ipsi subjecistis vos jurisdictioni, et arbitrio conchen. episcopi et archid. epten., et magistri Joannis, Dominici Burgeñ. canonici; quod in nostram lectum praesentiam, equum et justum judicantes, volumus et decernimus vos tenere; eo quod per ipsum inter vos, et vestrum capitulum dissensionis materia amputatur. Quod si servare nolueritis, quod non credimus, noveritis nos dedisse nostris litteris in mandatis thesaurario toletan., quod ad id servandum per censuram ecclesiasticam vos compellat. 

Dat. Vallissoleti (Valladolid, vallisoletano), de mandato domini electi. Magistro Laurencio thesaurario segobien. et canonico toletan.... computata XII die marcii, era millesima ducentessima nonagesima sexta (ann. 1258), Martinus Stephani scripsit. 

Tomo 3, apéndice, 6, carta, papa Gregorio IX, arzobispo de Toledo, limosnas, obispo de Segorbe

VI. 

Carta del papa Gregorio IX dirigida al arzobispo de Toledo, exhortándole a que socorra con algunas limosnas la pobreza del obispo de Segorbe D. Guillermo (a: Copia del original que existe en el archivo de la misma Iglesia.) (V. pág. 43). 

Gregorius episcopus, servus servorum Dei, venerabilibus fratribus archiespiscopo toletano, et suffraganeis suis, salutem et apostolicam benedictionem. Cum segobricensis ecclesia tam à sarracenis, quàm ab aliis adeo dicatur oppressa, quòd segobricensis electus, de bonis ipsius nequeat commodè sustentari, fraternitatem vestram rogamus attente per apostolica scripta mandantes quatenus eidem electo, donec eadem diocesis christianis cultibus reformetur, divinae pietatis intuitu, et ob reverentiam apostolicae sedis, et nostram, tale auxilium, et consilium exhiberi curetis, quod idem in segobricensi ecclesiam ad servitium Dei, et christianae religionis remanere valeat: et non cogatur in opprobium pontificalis officii mendicare (mendigar), et nos devotionem vestram possimus exinde meritò commendare. Dat. Interamniae 5 idus januarii, pontificatus nostri anno X. 

Tomo 3, apéndice, 3, constitución arzobispo Toledo Rodrigo 1232 diezmos

III.

Constitución del arzobispo de Toledo D. Rodrigo, hecha en el año 1232 sobre la división de los diezmos entre el obispo y el capítulo de la santa Iglesia de Segorbe (V. pág. 40) (a: Existe original en el archivo de la misma Iglesia.). 

Officii nostri debitum decenter exequi comprobamur cùm unicuique jus suum integrum conservamus. Proinde nos R. Dei gratiam toletanae sedis archiepiscopus, Hispaniarum primas, omnibus notum fieri volumus, quod cum dilecti in Christo filii capitulum segobricensis ecclesiae nobis multociens querimoniam proponerent, quod venerabilis in Christo frater D. episcopus praedictae ecclesiae, eisdem super quibusdam injuriosus existeret, petentes nichilominus saepe ac saepius cum instantia ut memoratam ordinaremus ecclesiam, nolentes eisdem in suam deesse justitiam, convocatis praedictis episcopo et capitulo, et in nostra presentiam constitutis, et multis hinc inde propositis, tandem de assensu, et beneplacito utriusque partis, praefatam ecclesiam sic duximus ordinandam. In primis siquidem ordinationem à venerabili in Christo patre M. (Martino) bonae memoriae praedecessore nostro factam, providè habentes ratam pariter atque firmam; videlicet, quod praedicti canonici habeant integrè tertiam partem decimarum in ecclesiis villae; et aliae duae partes et T. decimae militum in usus cedant episcopi; et quod canonici habeant medietatem decimarum in omnibus ecclesiis aldearum, et aliam medietatem habeat episcopus, et quod canonici habeant tam in ecclesiis villae, quam aldearum, tertiam partem decimarum pecorum, et alias duas partes habeat episcopus. De ecclesiis post ordinationem praedictam noviter acquisitis, videlicet de Formon (Formón), Corvo, Castiel, Ademuz, Ballanca, et Sancta Cruz, et de ecclesiis in posterum, dante domino, adquirendis, vel noviter populandis, sic providimus, ut canonici tertiam partem decimarum pontificalium percipiant integrè, et aliae duae partes cedant in usus episcopi memorati. Ecclesiam verò de Huelamos (Huélamo, Cuenca) ad usus mensas episcopi adjudicamus. Adicimus praeterea quod possessiones, quas episcopus de caetero, donatione, emptione, vel alio quocumque modo adquisierit, tantum suae sint. Similiter in possessionibus, quas de caetero canonici quocumque modo adquisierint, episcopus habere jus aliquod minimè dinoscatur. Ut autem omnia ista robur firmitatis obtineant, praesentem cedulam divisam per alphabetum (cédula alfabeto divisa) fieri jusimus, sigilli nostri, et sigillorum episcopi, et canonicorum patrocinio, et subscriptione manus propriae, et episcopi, et cannonicorum subscriptionibus conjunctim roboratam. Dat. apud Briocam, II kalend. octob. anno ab Incarnat. Domini MCCXXXII era, MCCLXX. 

Nos R. Dei gratia Toletanae sedis archiepiscopus, Hispaniarum primas, ff., et confirmamus. 

Nos D. Dei gratiâ segorbricensis episcopus, ff. et confirmamus.

Ego G. ejusdem ecclesiae decanus ff. 

Ego F. Johannis ejusdem ecclesiae ff.

Ego Gomicius de Almogera, domini Papae subdiaconus et ejusdem ecclesiae canonicus ff. 

Ego A. ejusdem ecclesiae thesaurarius ff. 

Ego R. ejusdem canonicus ff. 

Ego G. ejusdem canonicus ff. 

Ego R. ejusdem ecclesiae canonicus ff. 

Ego B. canonicus ff. 

Ego D. ejusd. eccl. canonicus ff. 

Tomo 3. APÉNDICE DE DOCUMENTOS.

APÉNDICE DE DOCUMENTOS. 

I. 

Constitución de D. Cenebruno, arzobispo de Toledo, extendiendo el número de canónigos a cuarenta, el cual su antecesor D. Juan había reducido a veinte y cuatro en el año 1157, y su sucesor D. Martín en 1195 extendió a veinte canónigos más, que llamó forínsecos, y treinta porcionarios (a: Sacóse esta copia de la que dejó entre sus MSS. el Señor D. Juan Bautista Pérez, obispo de Segorbe.) (V. pág. 35). 

Privilegium Domini Cenebruni Toletanae sedis archiepiscopi, et Hispaniarum Primatis de numero canonicorum. Celebrunus, Dei gratia, Toletanae sedis archiepiscopus, et Hispaniarum Primas, omnibus ecclesiae Toletanae canonicis tam praesentibus, quàm futuris in perpetuum. Justi postulatio desiderii piae debet voluntatis asensu effectu subsequente compleri; nec surdis debet auribus praeteriri, quod cum honestate utilitatem continet impetratum. Inde est quod ecclesiae Toletanae commodum diligentius attendentes, et canonicorum justis petitionibus, contraire nolentes, prospicientes etiam tam praesentibus, quàm futuris, et nunc, et in posterum ejusdem ecclesiae canonicis profuturum, communicato omnium fratrum nostrorum consilio, habitoque consensu, videntes ecclesiae reddictus non modicum imminui, et canonicorum numerum de die in diem augeri, ne cogente paupertate debita ecclesiae servitia subtrahantur, et qui de altario vivere debent, victum vel vestitum aliunde, ad ignominiam praefatae ecclesiae quaerere compellantur, statuimus eos solos de vestiario portionem accipere, qui nunc accipiunt, vel hucusque accipere consueverunt. Cùm verò ad quadragenarium numerum numerus redactus fuerit canonicorum, uno ex eis accedente, in loco defuncti alius de eadem substituatur ecclesiam. Si itaque canonicus fuerit, et ante in canonicorum numero constitutus, et mansionarius esse voluerit, his servato ordine institutionis substituatur. Sin autem de his, qui panem canonicè habuerint, quem dominus archiepiscopus, seu (f de) communi fratrum omnium consilio dignum esse judicaverit, instituat canonicum, et portionem de vestiario accipiat. Hoc autem factum, in nostris ac sucessorum nostrorum temporibus ita ratum, ac firmum esse volumus, quod frangere nullus, aut dimminuere in aliquo praesumat. Facta carta in mense martii, era MCCX (an. 1172). 

Ego C., Dei gratia, Toletanae sedis archiepiscopus, et Hispaniarum Primas confirmo. 

Ego W. prior confirmo.

Ego P. Toletanae sedis archidiaconus confirmo.

Ego Joannes sacrista confirmo.

Ego Bernardus praecentor confirmo.

Ego Christophorus presbyter confirmo.

Ego Johannes Toletanae ecclesiae magister scholarum confirmo. 

Ego Dominicus archipresbyter confirmo. (Domingo; arcipreste, archi presbítero)

Ego Forto presbyter confirmo.

Ego D. archidiaconus confirmo. 

Ego F. archidiaconus confirmo. 

Ego D. Collar. archidiac. confirmo. 

Ego R. capellanus confirmo.

Ego Stephanus presbyter confirmo. 

Ego Dominicus Paj. praesbyter confirmo.

Ego Petrus Gilberti presbiter confirmo. 

Ego Felix diaconus confirmo. 

Ego Martinus (a) presbyter confirmo. 

(a: Este se cree haber sido el obispo primero de Albarracín. )

Ego Petrus presbyter confirmo. 

Ego G. presbyter confirmo. 

Ego Lupus diaconus confirmo. 

Ego Matthias confirmo. 

Ego P. Fer. subdiaconus confirmo. 

Ego magister R. Domini Primatis cancellarius confirmo.

Ego Didacus capellanus domini Primatis confirmo.

Ego Petrus Flami confirmo.

Ego G. dictus magister confirmo.

Ego Joannes diaconus confirmo.

Ego Martinus diaconus confirmo.

Ego Petrus is. subdiaconus confirmo. 

Ego Joannes subdiaconus confirmo. 

Ego Dominicus Niger subdiaconus confirmo.

Ego Joannes Talavera diaconus confirmo.

Ego Dominicus Petri subdiaconus confirmo. 

Ego Nicolaus presbyter confirmo. 

Ego Robertus diaconus confirmo. 

Ego Jordanus diaconus confirmo. 

Ego Rodericus diaconus confirmo. 

Ego R. diaconus confirmo.

Ego Paulus diaconus confirmo.

Ego Salvetus subdiaconus confirmo. 

Ego Michael p. sub. confirmo.

Ego Guterius diaconus confirmo. 

Ego Didacus subdiaconus confirmo.