LXII. Donatio Regis Aragonum facta Petro, ejus filio civitatis et comitatus Barchinonensis, an. MCCLI. (1251)

LXII.

Donatio Regis Aragonum facta Petro, ejus filio civitatis et comitatus Barchinonensis, an. MCCLI. (1251) (Vid. pág. 216.)

Ex arch. reg. Barcin. 

Noverint universi quod Nos Jacobus Dei gratia Rex Aragonum, Maioricarum et Valentiae, Comes Barchin. et Urgelli, et Dnus. Montis pessulani, per Nos et nostros damus perfecta et irrevocabili donatione inter vivos tibi carissimo et dilecto Domno P. filio nostro, et Domne Yoles, inclitae Reginae Aragon., tuisque legittimis successoribus in perpetuum, civitatem et totum comitatum Barchin. cum omnibus civitatibus et comitatibus ad ipsum spectantibus, scilicet, ipsum comitatum Barchin., et comitatum Terrachon., Gerunden., Bisuldunen., Vicen. seu Ausonen., Rossilion., Ceritamen., Confluent., et Vallis Aspirii, et comitatum Urgellen., et civitates Ilerden. et Dertusen. simul ad comitatibus Rippacurciae et de Pallars, et quidquid habemus et habere debemus a flumine de Cincha usque ad Salsas, et sicut dividunt montes iusta Aran simul cum valle de Aran, quam vallem in hac donatione includimus usque ad mare. Hos itaque comitatus, civitates, castra et villae, et alia quaecumque habemus, et habere debemus infra praedictos terminos cum Comitibus, vicecomitibus, comdoribus, baronibus, vasuassoribus, militibus, burgensibus, civibus, et aliis quibuscumque populis cuiuscumque conditionis et sexus integraliter, et generaliter, et universaliter, sine aliqua retentione, cum omni dominio, iurisdictione, redditibus, proventibus, et aliis iuribus universis, damus de praesenti tibi filio nostro praedicto P., et in plena curia, quam nunc celebramus Barchinonae, in praesentia omnium inducimus te in corporalem possessionem omnium et singulorum praedictorum pleno iure ad habendum, tenendum, possidendum, et perpetuo a te et tuis legittimis successoribus expletandum. Et iusta consuetudinem Barchin. recipimus a te super hoc homagium, et te in nostris manibus fideliter comendatum. Retento nobis in omni vita nostra usufructu, et dominatione iure usufructuario in omnibus supra dictis. Et constituentes nos usufructuarios, et te et tuos successores legittimos veros proprietarios, verosque possessores facimus cum hoc instrumento perpetuo valituro de omnibus et singulis supra dictis. Et in signum verae et integrae possessionis, et veri perfectique dominii, damus et assignamus tibi in vita nostra centum marchas argentii annuatim festo Paschatis recipiendas in redditibus comitatus Barchin. Huic autem donationi et iuramento subditorum nostrorum hanc conditionem apponimus, quod si, quod Deus avertat, tu decederes sine legittima prole, tota praefata donatio intelligatur esse facta fratri tuo Jacobo filio nostro et predictae Reginae, vel in defectu eius, cuicumque filio masculo ex nobis et praedicta Regina procreato. Et ad maiorem securitatem iuramus per Deum et sancta quatuor Evangelia a nobis corporaliter tacta in nullo contravenire, et bona fide praedicta omnia attendere et complere. Mandantes omnibus subditis nostris, tam maioribus quam minoribus, ut tibi super praedictis omnibus, tanquam veri tui subditi et fideles, homagia et fidelitatis exhibeant sacramenta. Ego igitur B. de Sancta Eugenia facio homagium manibus et ore, et iuro per Deum, et eius sancta quatuor Evangelia manibus meis tacta vobis Domino P. filio Dni. Jacobi, illustris Regis Aragonum. et Dnae. Joles, Reginae Aragonum, quod ab hac die in antea habeo et recipio vos in Dominum naturalem Cathaloniae, et in Dominum naturalem et Comitem Barchin., et ex nunc vobis obediam sicut naturali Dno. Cathaloniae, et sicut Dno. naturali et Comiti Barchin. et hoc homagium et iuramentum facio vobis et sucessoribus vestris secundum quod ordinatum et positum est in hoc instrumento donationis, quam Dnus. Jacobus Rex, praedictus Pater vester vobis facit in hac curia Barchin. per eum celebrata. Et hoc iuro salvis alodiis, consuetudinibus, franquitatibus et libertatibus nostris. Datum Barchin. VII. kal. aprilis, anno Dni. M.CC. quinquagesimo primo.

Signum + Jacobi Dei gra. Regis Aragonum, Maioricarum et Valentiae, Comitis Barchin. et Urgelli, et Dni. Montispessulani.

Testes sunt Fr. P. Epus. Barchin. = B. Epus. Vicens. = Abbas Rivipoll. = G. Abbas de Bayoles. = R. Abbas S. Salvatoris de Brea. 

Isti fecerunt homagium, et iuraverunt P. H. Comes Empuriarum. = G. de Aquilone. = G. de Montecluso. = F. de Sancto Martino. = F. de Villafrancha. (se lee Villafroncha) = G. de Crexello. = B. de Castelleto. = G. Jutge. = G. de Grayana. = P. de Tous. = G. Daluya. = B. de Portella. = A. de Torrelles. = P. de Sanctominato. = B. de Monserrat. = G. de Talamerata. = A. de Ribes. = B. de Faro. = B. de Plegamans. = P. de Mure. = R. Despapiol. = P. de Sancta Eugenia. = J. de Cruilles. = H. de Angularia. = G. de Pavo. = P. de Ortafa. = P. de Palau. = R. Totzo. = R. Desprat. = B. Despinles. = B. de Belvis. = R. de Vernet. = G. de Vila de cavals. = R. de Voltrera. = A. Xatmar. = B. de Montalegre. = A. de Montalegre. = G. de Monrog. = B. de Sailla. = R. de Benages. = B. de Toixa. = J. de Rocaberti. = A. de Navata. = A. G. de Cartalla. = J. de Barbera. = B. de Castelrossello. = H. de Seixach. = R. de Termes. = R. de Urg. = R. de Urg. (2 veces) = R. de Malan. = R. G. de Enveg. (=) G. B. Damort. = B. Simon. = F. Despug. = A. Dilla. = R. Petri. = B. Dalama. = R. Dassan. = G. de Sancto Johanne. = G. Ortiç. = B. de Solerio. = G. de Montesquin. = Bages. = G. de Canet. = P. de Menona. = R. de Totzo. = R. de Vilarnau. = P. de Arçat. = G. de Montecatheno. = G. de Cervilione. = J. de Cervaria. = P. de Berga. = R. de Montecatheno. = B. R. de Ribelles. = R. de Timor. = H. de Cervilione. = P. de Cervaria. = B. de Sancto Vincentio. = F. de Turriliis = B. de Podioviridi. = P. de Cervaria. = B. de Perexens. = Umbertus de Turriliis. = G. de Tonollario. (Fonollario) = P. de Turri. = G. de Turriliis. = G. de Viladecols. = P. F... = B. Ermengaudi. = R. Durfot (Durfort). = G. Moneder. = B. Burget. = B. de Vico. = G. de Sacera. = Vilasrer. 

De Barchinona fecerunt homagium et sacramentum in forma praedicta: R. F. = J. Grunni. = M. de Plicamanibus. = G. de Sacera. = F. de Minorisa. = B. Andrae (Andreae) = B. Boneti. = P. de Viladecols. = P. de Alest. = J. Gerardi. = B. Ermengaudi. = T. Geraldi. = G. Mercader. = R. de Merola. = R. de Viladecols. = G. de Moniuich. = B. de Riaria. = R. de Menresa. = B. Marquet. = Rustec. = B. Suyer. = P. Mercader. = J. Carbonel. = S. Pelegri. = B. de Riaria. = Ja. Pelicer. = G. Burges. = Burriane. = A. Baster. = Miralles. = Conangle. = Peralada. = Colomer. = P. Despug. = F. Gari. = Raudor. = P. Tripo. = P. de Villafranca. = Failibe. = A. Darlet. = B. des Soler. = P. Barraler. = B. Pons. = G. de Mesclans. = P. de Puliya. = Marques. = Puyol. = P. Despalau. = Alexandri. = Sala. =  Aiguaviva. = P. de Vilalba. = R. Tio. = G. Nagera. = Pedro. = B. Despalau. = P. de Sala. = G. Babot. = B. de Canadel. = P. de Bonastre. = Pasqual de Buil. = Marti Calafat. = Genero de Cudina. = P. Borrell. = G. de Marina. = P. Boguer. = A. de Serra. = Gili Sartor. = P. Pauc. = G. Aldebert. = Gombaldus Cifre. = Garcias Reposter. = P. de Atayna. = A. de Logran. = B. Carbo. = Sig+num Petri Andreae, qui mandato Dni. Regis pro G. scriba notario suo haec scribit loco, die et anno praefixis.

XVIII. Donatio meschidae de Urseira facta ab Episcopo Caesaraugustano monasterio S. Petri Rodensis. an. MCXXI (1121)

XVIII.

Donatio meschidae de Urseira facta ab Episcopo Caesaraugustano monasterio S. Petri Rodensis. an. MCXXI (1121). (Vid. pág. 49).

Ex autogr. et ex Cartor S. Petri Roden. fol. 21 . 

In nomine Domini ego Petrus gratia Dei Caesaragustanus Episcopus cum fratribus meis eiusdem ecclesiae clericis dono Sancto Petro caenobii Rodensis quod est situm in pago Petralatensi subtus castrum Verdariae, et Abbati Deusdedit et monachis presentibus et futuris ipsam meschidam maiorem quae est in villa quae dicitur Urseira cum omnibus radicibus (bienes raíces) vel alodibus quae hodie habet vel unquam habuit tempore Paganorum, ut fiat ibi ecclesia in honore Dei et Sancti Petri, vel aliorum Sanctorum, et habeat illa omnia quae unquam habuit vel in antea Deo donante adquisierit cum decimis et primiciis, cimiteriis, oblationibus vel omnibus quaecumque ecclesia habere debet salva reverentia episcopali, et quarta decimarum parte (se corta el texto) Coetera omnia ex integro dono et laudo prephatae ecclesiae ut habeat in perpetuum sicut unquam melius vel largius habere debet eadem villa per omnes terminos suos. Et hoc facio pro remedio animae meae et parentum meorum, et ut monachi Sancti Petri amici sint et fideles michi et successoribus meis. Facta karta donationis istius anno mill. CXXI.,  (1121) inditione XIIII., era MCLVIIII. (era 1159 - 38 = 1121), kalendas martii, feria II. regnante Aldefonso Rege in Yspania anno XVI. regni eius = Ego Petrus Dei gratia Sanctae Caesaraugustanae ecclesiae servus confirmo. = Ego Sanccius eiusdem ecclesiae channonicus ac servus confirmo = + Galindus Archidiaconus. = Petrus Caput scolo. (scolae) = Ego Guillermus Sacrista. = Vilelmus... (: lo mismo que Wilelmus y Guilelmus) = Senior Precentor. = Martinus. = Ugo. = ... scriptor = Ego Cipriane Merino de Zaracoza ab ore Episcopo audibi et sum testis. = Gauzfredus monachus et sacerdos rogatus a praephato Episcopo vel clericis scripsit in Oscha sub die et anno quo supra, et hoc signo manu propria corroborat. = + Ego Guasto (Gastón) Vicecomes de Beharn (vizconde Bearne, Bearn) hoc donum laudo, et insuper ex parte mea addo quantum ad unum jugum sufficere possit ab laborandum annuatim. = Sig+num Guasto. = Ego Raimundus Dei gratia Caesaraugustanus Episcopus hoc donum laudo et confirmo et hoc signum manu mea facio +. = Petrus Dei gratia Caesaraugustanus Episcopus ss. = Bernardus Dei gratia Archiepiscopus.

XXIV. Acta electionis Abbatis Petri in monasterio de Amer: anno MXLI.

XXIV.

Acta electionis Abbatis Petri in monasterio de Amer: anno MXLI. (Vid. pág. 227).

Ex arch. mon. Amer.

Sciat humana fragilitas quia mortem carnis nullus hominum degens in carne mortali evadere possit. Nos enim quasi rami infirmitatem carnis qua morimus ex primo parente qui peccavit quasi ex vitiata radice contraximus. Unde et ille primus propter peccatum solvit debitum mortis, et non modica pars iam solvit humani generis, et nos singulatim usque in finem secuti pariter sumus soluturi. Sed illius anima felix que post deposicionem corporis iam cum Deo letatur in celis: futura felicior quando post restitucionem corporis in regno Dei in eternum cum corpore in viro perfecto in etate corporis Xpi. vivere merebitur atque letare. Ad ahanc ergo gloriam credimus pervenisse Suniarii Abbatis animam que dudum egressa a corpore dinoscitur exemplum bene videndi in carne manentibus reliquisse. Huius ergo in loco monachi monasterii Amerensis nomine et meritis sacrati beate Marie Dei Genitricis elegerunt et aclamaverunt sibi futurum Abbatem illustrem virum nomine Petrum a puero inter eos regulariter eruditum ac monastice conversatum, et eundem sibi patrem ordinandum a domno Petro venerabili suo Pontifice expetiverunt, et ipsius consecratione virum predictum Abbatem accipere meruerunt. In tantum vero qui noverant eundem Petrum dilexerunt, ut non solum monachi, sed et primates patrie, sed et ipsa domna Ermesindis Comitissa venerabilis eundem virum Abbatem predicti monasterii fieri postulaset, et postulans impetrasset. Hanc autem ordinacionis scripturam, ut firma esse pateat omnibus, non solum predicti monachi, sed et primores viri firmare curaverunt, et predicta Comitissa venerabilis, insuper etiam predictus Sedis Ierundensis consecrator Abbatis egregius et pie memorabilis Pontifex. Facta est autem hec scriptura aclamacionis et consecracionis predicti Petri Abbatis IIII nonas aprilis anno X Henrici regis, anno Dni. millesimo XLI. indicione VIIII.

+ Petrus Episcopus. +. = Ermessindis gratia Dei Comitissa. = Poncius levita et Capud scole atque iudex. ss. = Bonus homo sacerdos et monachus. ss. = Eneas sig+num. = Sig+num Raimundus. = Sig +. Broncardus. = S. Raimundus. = + Remundus Archilevita. = Petrus vel Donnucius Sacrista. = Vilielmus sacerdos et monachus. = Guilielmus sac. et mon. = Petrus mon. = Reimundus Sac. et mon. = Adebrandus pbr. = Bernardus levita. = Vitale levita. = Lobatuno sacerdos. = Isarnus levita. = Durandus monac. = Ervigius mon. = Adalbertus monac. = Falencius mon. = Petrus sac. et mon. = Guifredus mon. = Baronus mon. = Aurceliolus sacerd. = Remundus sac. = Teudericus pbr. = Miro mon. = Signum Berengarius levita et Caput scole, qui hanc aclamacionis et consecrationis scripsit die et + anno quo supra.